طفله ترفع الضغط

التلفون يرن ...

الطفلة : الوووو

الامراة : الووو مرحبا

الطفلة : اهلين

الامراة : وين الوالدة ؟

الطفلة : ما في عندنا وحدة والدة

الامراة :لا لا عيب عليكي... لا سمح الله الله يخليلكم اياها

الطفلة : وشو لا سمح الله بقوليك ما في عندنا والدة

الامراة : كم عمرك يا شاطرة؟؟

الطفلة : وكيف عرفتي اني شاطرة

الامراة : تضحك وتقول .. مبين عليك خفيفة دم

الطفلة : انتي الي خفيفة دم... لا تقولي عني هيك

الامراة : مبين عليك صغيرة؟

الطفلة : انا اطول منك

الامراة : طيب يلا اعطيني ماما

الطفلة : ليش هي امك عندنا؟؟

الامراة : خلاص نادي امك

الطفلة :أمي ما عندها نادي

الامراة : الله يصبرني

الطفلة : يصبرك مع شوك ولا بدون شوك؟

الامراة : تصرخ " اعطيني حدا كبيرررر"

الطفلة : كبير , بالحجم ولا بالطول ولا بالعمر

الامراة : اعطيني واحد برميل اتكلم معااه

الطفلة : استغفر الله العظيم بدك تتكلمي مع برميل.. بس البرميل جماد

الامراة : هلا بجي عندكم.. اعطيني احد كبير

الطفلة :لا تجي عندي لان صديقاتي عندي لما يروحون تعالي

الامراة : طيب بس لو اشوفيك لا أسوي منك بطاطا

الطفلة : بطاطا مسلوقة ولا شوي بالفرن؟

الامراة : احسنلك اسكتي لانك زعلتيني

الطفله : مين الي زعل تيني وليش التين اصلا بيزعل؟

الامراة :خلاص زودتيها عاد

الطفله : وين عاد الى بيته ؟ خخخخخخخ حلوه هاي

الامراة :عاد الى بيته ..مبسوطة؟

الطفلة : الصراحة مش مبسوطة.. في شي مزعلني

الامراة : خليه يزعلك يمكن تنفجري مثل البالون

الطفلة :شو لون البالون الي بنفجر مثله؟؟؟؟؟

الامراة : تصرخ باعلى صوتها.. " وين الوالــــــدة ؟؟؟ "

فتاخذ الام التلفون من الطفلة

وتقول الووووو.. مين معي

الامراة : ول علينا .. شو هالبنت هاي طلعتلي قرن براسي

الام : قرن شو, قرن الغزال ولا قرن موز

الامراة : زي دايما رايقة وبتحبي تمزحي .. لا طلعتلي قرن ثور

الام : شو حجمه الثور؟

الامراة تغلق السماعة.. وتذهب الى بيت صديقتها.. ترن الجرس

فتقول الام للطفلة :قومي شوفي مين على الباب

تركض الطفلة نحو الباب , تجلب كرسي وتصعد عليه ثم تنظر الى اعلى الباب وتقول ما في حدا على الباب في وحدة وراه

فتقول الام : خلص خليها ترن على الجرس قد ما بدها

الطفلة : اي جرس؟ جرس المدرسة؟؟؟

الام : لا جرس الدار

الطفلة : جرس بيتنا هاي ولا البيت الجديد الي بنبنيه

الام : لا جرس بيت الجيران

الطفلة : ليش في عند الجيران جرس

وعلى هالموال ..... ليل نهار

لاحول ولا قوة الا بالله
لا شي بيرفع الضغط
صدقني ما صدقت امتى خلصت قراءة
ههههههههههههههههه
بس حلوة اختي تقبلي مروري

هههههههههههههههههههههههههههه
والله انها جنيه مش طفله هاااااااااااي
الله يعين امهااااا يا رب

الطفلة : ليش هي امك عندنا؟؟

يسلمو سويت انجل قصه حلوة

ههههههههه
شكرا الك على مروركم زهرة وغريب جد بترفع الضغط

ههههههههههههههههههه
عنجد الله يعين اهلها عليها
مشكور على هالمشاركة الحلوة

شو هاد يعني شوي بنفجر او بطرطش الي حولي
ههههههههههههههههههههههههههههههههههههههههههههههههه
مشكوووووووووووووووووره